एक बैठकीला आमचे प्रांत प्रचारक सकाळी सकाळी बस स्टॅन्ड वर येणार होते, तिथून मला त्यांना घेऊन बैठकस्थानी जायचं होतं. मी बसच्या वेळेच्या आधी तिथे पोचलो होतो. एक जीप कोणाला तरी सोडायला बैथकस्थानी गेली होती, ती आली कि प्रांतप्रचारकांना घेऊन बैठकस्थानी जायचं असं ठरलं होतं. बस आली, आमचे प्रांत प्रचारक बस मधून उतरले, पण जीप अजून आली नव्हती. मला बघून ओळखीचं हसत म्हणाले "अरे व्वा!!, तू आलास होय.. " अशी सुरुवातीचे २-३ वाक्य झाल्यावर लगेच म्हणाले, "चला जायचंय ना?" मी म्हणालो, "गाडी आली नाही अजून ती आली कि लगेच निघू, येईलच २ मिनिटात. " ते म्हणाले गाडी येईल तेव्हा येईल, आपण कशाला थांबायचं? तुला बैठक स्थान माहितीये ना?" मी हो म्हणालो, "चला मग" म्हणत ते बैठकीच्या दिशेने चालायला हि लागले. खरंतर बैठकीला वेळ होता, पण साधनांसाठी काम थांबायला नको, आपण साधनांच्या फार आहारी जायला नको, हा एक फार मोठा संस्कार मला त्या वेळी मिळाला.
कोणत्याही टिप्पण्या नाहीत:
टिप्पणी पोस्ट करा